பழமொழிகள்-கு

கு

• குங்குமம் சுமந்த கழுதை மணம் அறியுமா?
• குசவனுக்கு ஆறுமாதம் தடிகாரனுக்கு அரை நாழிகை.
• குடல் காய்ந்தால் குதிரையும் வைக்கோல் தின்னும்.
• குடி, சூது, விபசாரம் குடியைக் கெடுக்கும்.
• குடிக்கிறது கூழ் கொப்புளிகிறது பன்னீர்.
• குடி வைத்த வீட்டிலே கொள்ளி வைக்கலாமா?
• குடும்பத்தில் இளையவனும் கூத்தாடியில் கோமாளியும் ஆகாது.
• குட்டுப் பட்டாலும் மோதுகிற கையால் குட்டுப்படவேண்டும்.
• குணத்தை மாற்றக் குருவில்லை.
• குணம் இல்லா வித்தை எல்லாம் அவித்தை.
• குணம் பெரிதேயன்றிக் குலம் பெரியதன்று.
• குதிரை இருப்பு அறியும், கொண்ட பெண்டாட்டி குணம் அறிவாள்.
• குதிரை ஏறாமல் கெட்டது, கடன் கேளாமல் கெட்டது.
• குதிரை குணமறிந்தல்லவோ தம்பிரான் கொம்பு கொடுக்கவில்லை.
• குந்தி இருந்து தின்றால் குன்றும் மாளும்.
• குப்பை உயரும் கோபுரம் தாழும்.
• குமர் தனியப் போனாலும் கொட்டாவி தனியப் போகாது.
• குரங்கின் கைப் பூமாலை.
• குரங்குக்குப் புத்திசொல்லித் தூக்கணாங்குருவி கூண்டு இழந்தது.
• குரு இலார்க்கு வித்தையுமில்லை முதல் இல்லார்க்கு ஊதியமில்லை.
• குரு குசு விட்டால் குற்றமில்லை.
• குருட்டுக் கண்ணுக்குக் குறுணி மையிட்டுமென்ன?
• குரு மொழி மறந்தோன் திருவழிந்து அழிவான்.
• குரைக்கிற நாய் கடிக்காது.
• குரைக்கிற நாய் வேட்டை பிடிக்குமா?
• குலம் குப்பையிலே, பணம் பந்தியிலே
• குலவித்தை கற்றுப் பாதி கல்லாமற் பாதி.
• குல வழக்கம் இடை வழக்கும் கொஞ்சத்தில் தீராது.
• குறைகுடம் தளும்பும், நிறைகுடம் தளும்பாது.
• குற்றமுள்ள நெஞ்சு குறுகுறு என்றும், குறும்பியுள்ள காது தினவு கொள்ளும்
• குற்றம் பார்க்கின் சுற்றம் இல்லை
• குழந்தையும் தெய்வமும் கொண்டாடின இடத்திலே.
• குப்பையிற் கிடந்தாலும் குன்றிமணி நிறம் போகுமா?
• கும்பிடு கொடுத்துக் கும்பிடு வாங்கு.